Қандайин ҳаёт бу, қандайин дунё... Хазон бўлдим. Ёндим. Ўтга қаландим. Таъналар ёғилди. Ёғилди иғво... Сени алдадилар. Мен ҳам алдандим.
Очиқ бағримизни борлиққа тутдик, Инондик. Рост айтдик. Аламлар ютдик. Билмам, ёвузлардан инсофми кутдик... Сени алдадилар.мен ҳам алдандим.
Ҳаддидан ошмоқда ёвузлар ҳамон, Қотиллар қутурган. Ваҳшати ёмон. Охир бой берилди бизда бор имкон... Сени алдадилар. Мен ҳам алдандим.
Оташга айланар. Ўртанар вужуд. Ёвнинг ёвузлиги билмайди ҳудуд. Ватанда қолмади бирон бағри бут... Сени алдадилар. Мен ҳам алдандим.
Эл учун жонларни тиккан чоғимиз, Қон бўлиб оққанда юрак доғимз, Нолалар тутганда сўлу - соғимиз - Сени алдадилар. Мен ҳам алдандим.
Умр ҳам ўтмоқда тақдирдан нолиб. гоҳ ундай, гоҳ бундай кунларга қолиб, Яна не кутамиз пайсалга солиб... Сени алдадилар. Мен ҳам алдандим.
Ёдгор Обид Манба : facebook.com
|