 2002 йилдан то шу кунга қадар Каримов таъзйиқи, кейин эса 2005 йилги Андижон қирғинидан кейин чет элдан паноҳ излаб кетган муҳолифат шу кунга қадар сайтларда бир -бирингизни қоралашу, устиларингиздан мағзава сепишликдан нарига ўтмаябсизлар..
Ўзбекистон ичидаги фуқаролар, зулум билан курашувчилар Сизларнинг бу бетамизликларингиз оқибатида халқаро жамоатчилиги олдида уятга қўймоқдасизлар.
Қайси сайтга кирма у ерда фақат ўзбек муҳолифатининг, бири бирига нисбатан сассиқ мақолаларига кўзинг тушади.
Сиз ҳурматли чет элда истиқомат қилаётган ҳамюртлар, ўзаро келиша олмаслигингиз қаёқдаю, яна сайтлар орқали бирлашишга даъват этишларингиз, бу ҳеч бир мантиққа тўғри келмайди.
Четдаги муҳолифатни на фақат ғарб давлатлари қолаверса шарқ, узоқ шарқ, хаттаки бизга яқин бўлган Россия, Ўрта Осиё республикалари ҳам тан олмаётирлар. Сизларга ёрдам беришдан ҳам ор қилмоқдалар, бунингдек муносабатлар Сизларни ташвишга солмаётирми?
Сизларнинг мана бунингдек жирканч, ўзларингизни тутишларингиздан Биз Ўзбекистон ичидагилар номусга қолдику ахир. Сизларнинг дастингиздан Бизлар бош кўтариб юраолмаётирмиз.
Сизларнинг касрингизга Биз ҳам ҳозирдаги диктатор тузуми билан курашиш учун ўзимизга куч излаш имконидан махруммиз, чунки хориждаги муҳолифат ҳаммамизни халқаро миқёсида обрўйимиз ва шанимизни барбот қилиб бўлди, ҳайф Сизларга.
Ўзбекистон ичидагилар энди Сизларга ишонмайди. Бизларнинг зулум билан курашишимизда, Сиз жаноблар ўзларингизни тарбиясизлигингиз билан ҳалақит берманглар илтимос!
Қонунбузарлик ва зулумга қарши курашувчи: Абдилло Тожибой ўғли. Пресс -центр: " Ўзбекистонда ҳалол ва адолатли сайловлар учун” жамоат бирлашмаси.
Тошкент, Ўзбекистон. 28.09.2013 й.
|