Эзгу орзуларнинг бўлдим тутқуни,
Қўлларим - кишанда. Эзилган бағир.
3.
Ёвузлик тиғига санчилди хаёл.
Қаноти қонланди. Қаноти синди.
Фақат умид қолди. Умид - безавол...
Эътиқод этагин тутди. Юкунди.
4.
Сўнгра - қанотланди. Юксалди - кетди -
Қиличнинг тиғидек ўткир ва ҳассос.
Аламли, ғазабли ҳолига етди...
Сийрати - сўз эмас. У энди - қасос.
5.
Гарчи бор - йўғимдан бўлдим мосуво,
Кишанда, қафасда пажмурда вужуд -
Умидим - эркиндир. Умидим - наво...
Самовий руҳ каби билмайди ҳудуд.
6.
Қотиллар, қалтироқ қўлингиз билан -
Ҳақ сўзнинг бўйнига тортасиз арқон...
Беҳуда уринманг. У - жуда баланд.
