"Ҳамкорлик" жамғармаси

Бир беғубор дил эдим. 

Ҳурлар ичра ҳур эдим, 

Армонми менга ёр-ёр? 

Чин эмасми кулганим, 

Ёлғиз кўнгил берганим- 

"Дўстим”, дейди - Севганим, 

Менга армонми ёр-ёр? 

Кундуз ҳамрохим қуёш, 

Кўкда ой тунда сирдош. 

Тугаб борадур бардош, 

Менга армонми ёр-ёр? 

Лайли Мажнун деб ўтди, 

Зухро Тохирин кутди. 

Кумушчи, оғу ютди,

Менга армонми ёр-ёр? 

Тун ёстиғим биттадур, 

Ёстиқ тошдай ботадур. 

Гулдек умрим ўтадур,

Менга армонми ёр-ёр? 

Дардим давоси найда, 

Барча сирларим ойда. 

Севдим, севилмоқ қайда, 

Менга армонми ёр-ёр? 

Ёрга елкадош бўлай,

Бахтига бахтим улай. 

Мен ҳам чинакам кулай, 

Армон бўлмасин ёр-ёр. 

Шодияхон Қосимова