Юрагимни ғашладинг кетдинг, Кўзларимни ёшладинг кетдинг. Жоним қолди додлаб изингдан, Ёлғизликка ташладинг кетдинг.
Шўр пешонам қайларга урай, Энди сени кимлардан сўрай? Не қилайин оҳ, қандоқ қилай, Сенсизликка ташладинг кетдинг.
Очилмасдан сўлиган гулим, Қўлларингдан тутмайин қўлим. Айрилибон тўкилди дилим, Дилсизликка ташладинг кетдинг.
Ожиз қолдим қисмат олдида, Қўлларимга кишан солдида. Сўзламайин сўзим қолдида. Тилсизликка ташладинг кетдинг.
Шодликларим ғамга алмашдим, Андуҳларда қолиб қалашдим. Алам келиб мени талашди, Ҳиссизликка ташладинг кетдинг.
Жоним маним жаноним дердинг, Мохирангни ғамини ердинг. Бугун ўзинг кўкларга учиб, Сенсизликка ташладинг кетдинг,
Ёлғизликка ташладинг кетдинг. Бироз чида мен ҳам бораман, Ортингдан тез етиб оламан.
(Муҳлисам Мохира опага аталган)
Шодияхон Қосимова. 2013й
Манба: shodiyaxon.uz
|