"Ҳамкорлик" жамғармаси

Tоғ  ўтирар водийда танҳо,

оқ  сочлари қоплаган кўксин,

минг йилларки бу нуроний тоғ

асрларга киради ўксиб... 

Атрофида сон-саноғи йўқ —

Ковжираган, сариқ  адирлар —

қачонлардир юртим деб ўлган

паҳлавонлар ётган  қабрлар.

Узоқ  юрдим кекса тоғсари,

Гоҳ  одимлаб, гоҳида чопдим,

нураган тош  қоя  тагидан

гўёки тоғ кўзларинтопдим.

Сўйлагандай бўлар эди тоғ,

тушунмасдим аммо сўзларин.

Қандай  ғамгин эди бу кўзлар,

қандай йиғлар эди кўзлари!.."

1980

Шавкат РАҲМОН