Четверг
19.10.2017
15:50
Форма входа
Корзина
Ваша корзина пуста
Поиск
Календарь
«  Ноябрь 2013  »
ПнВтСрЧтПтСбВс
    123
45678910
11121314151617
18192021222324
252627282930
Архив записей
Наш опрос
Оцените мой сайт
Всего ответов: 4
Мини-чат
Қўшимча сайтлар
  • Ўз сайтингизни яратинг
  • BBC ўзбек хизмати
  • Озодлик радиоси
  • Насрулло Саййиднинг блоги
  • Инструкции для uCoz
  • Статистика

    Онлайн всего: 1
    Гостей: 1
    Пользователей: 0

    "Ҳамкорлик" жамғармаси

    Главная » 2013 » Ноябрь » 22 » Ўтган аср дафтаридан.
    07:06
    Ўтган аср дафтаридан.
    Аламлар зўридан дийдалар қотди,
    Руҳга жо орзулар қолди армонда.
    Хокисор танларни босиб ва янчиб -
    Хайкаллар юрибди Ўзбекистонда.

    Кўзи - тош. Кўкси - тош. Оёқлари - тош,
    Билмам, бунёд этмиш қайбир сангтарош...
    Гўдаклар додидан кийиб бошга тож -
    Хайкаллар юрибди Ўзбекистонда.

    Бешафқат, беомон, мунофиқ, айёр,
    Неки иллат бўлса - барчаси бисёр.
    Элга эълон этиб ўзин ҳукмдор -
    Хайкаллар юрибди Ўзбекистонда.

    Ҳарбирин гирдида пашшадек ғужғон -
    Ўғри, қароқчилар ялашар товон.
    Товонин қонларга ботириб ҳамон - 
    Хайкаллар юрибди Ўзбекистонда.

    Одамлар юрагин олдириб қолган,
    Қўрқувдан нафрат ва ғурур йўқолган.
    Ватандош, Ватанни шу куйга солган -
    Хайкаллар юрибди Ўзбекистонда.

    Йиғламоқ - қатоғон. Кулмак - қатоғон.
    Бир одил сўз учун умрингдир хазон.
    Қилиб ҳалолликнинг ҳолини ёмон -
    Хайкаллар юрибди Ўзбекистонда.

    Менинг шўрлик ҳалқим, шўрлигим ҳалқим,
    Менинг хўрлик ҳалқим, хўрлигим ҳалқим,
    Кўзларим кўр бўлса - кўрлигим ҳалқим...
    Хайкаллар юрибди Ўзбекистонда.

    Наҳотки муносиб сенга шу тақдир,
    Ўз ҳолинг ўзингга этмасми таъсир...
    Сени қўрқоқ билиб ва қилиб таҳқир - 
    Хайкаллар юрибди Ўзбекистонда.

    Кўтаргил қаддингни, дадил боқ бир зум,
    Мард келса - номардлик ўлимга маҳкум.
    Бошинг эгган саринг ҳаддан ошиб шум -
    Хайкаллар юрибди Ўзбекистонда.

    Ёдгор Обид.
    Манба: facebook.com 
    Просмотров: 135 | Добавил: hamkorlik | Теги: Шеърият, Ижод | Рейтинг: 0.0/0
    Всего комментариев: 0
    Имя *:
    Email *:
    Код *: