Шундай қилиб, Жамолиддин Ортиқов тадбиркорлик ва нон топишдан ҳам мосуво этилди.
Бундай ҳол барча ҳуқуқбонлар билан содир бўлади. Маҳаллий ҳокимият
органларининг Ж.Ортиқовга қанақа "тиши” бўлиши мумкин деган савол
туғилади? Унинг биргина айби бор ва у ҳам бўлса коллежда ўқийдиган
жиянини пахта теримига боришига монелик қилганидир.
Мана шу сабаб уни аввалига машинасидан, энди эса автомойкасидан маҳрум
этдилар. Шу йилнинг 22 сентябрдан буён у ҳеч биро асоссиз олиб
қўйилган "Нексия” русумли автомашинасини ололмай сарсон-саргардон эди
у.
Ҳурматли мулозимлар! Сизлар "гестапочилар” эмассиз-ку? Гдлян,
Ивановлар даври ҳам ўтиб кетган эмасми? Нахотки унинг бу "айбини”” сира
кечиришнинг иложи бўлмаса? У ҳам нотўғри иш қилгани йўқ! У жиянининг
саломатлиги учун "ўзи оқ, мехнати қора пахта” дан асрашга уринган
эмасми? Ўзбек мансабдорларнинг болалари ҳам пахта термайдику. Нега
энди Жамолиддин Ортиқовга бунчалар зуғум қиласизлар?
29 октябр куни соат 10.00 да Ж.Ортиқов "Нексияси” бўйича судга таклиф
этилган, аммо суд негадир бугун тушдан сўнг кўриладиган бўлибди. Бу
суд мажлиси эса машинага умуман алоқадор бўлмаган жияни Баҳриддин
Оролов устидан ўтказилинаркан.
Бу Ўзбекистондаги оддий халқ учун ҳам, ҳукумат мулозимлари учун ҳам
тушунарлик ҳолат. Маҳаллий ҳукуматдагилар ўзларининг зўрликларини
кўрсатиш ва керак бўлса кимларнидир қўрқитиб қўйиш учун қўлланиладиган
усулдир бу.
Нега? Қани адолатли жамият, қани қонунларнинг адолатли ишлагани? Мана
бу саволга ким жавоб беради? Ўзбекистон Инсон Хуқуқлари Жамияти
Қашқадарё вилоят бўлими дунё ҳамжамиятидан Жамолиддин Ортиқов атрофида бўлаётган ва режим томонидан атайлаб келтириб чиқарилаётган воқеаларга бефарқ қарамасликга чақиради.
Гулшан Қораева
Ўзбекистон Инсон Ҳуқуқлари Жамияти
Қашқадарё вилоят бўлими раиси
