Ёдгор Обид
( ўтган аср дафтаридан )
Тош - оғир. Тош - совуқ. Тош бежон. Йиллар ўтган сайин нурайберади. Кимларнинг шакли бу: Сағирми, султон - Қушларга барибир. Сайрайберади.
Вужуд - ер қаърида, руҳ - қайда сарсон, Тош кўзин ўргумчак ўрайберади. Сассиз нидоларни босса ҳам хазон - Қушларга барибир. Сайрайберади.
Одамлар келади йўқлаб ҳарзамон. Гоҳ эслаб, гоҳ эснаб жўнайберади. Ўзи шундай экан аслида инсон - Қушларга барибир. Сайрайберади.
Уларнинг қабри йўқ. Йўқ сўнгги макон. Дунёдан кулгандай яйрайберади. Бу ер хайкалзорми ёки қабристон - Қушларга барибир. Сайрайберади.
Манба : facebook.com
|